هلا و الله بالطش و الرش و البيظ المفقش
__________________________________
شخباركم ؟؟ شعلومكم ؟؟ ان شاء الله تمام
اليوم جايب لكم لهجة اهل نجد((للي بتعلم اللغه))
نبدا معكم
يالله بسم الله
تسذا ... المعنى واضح يعني كذا ولازم تقولها وانت ماد براطمك لتحت
فيذا .... يعني فيذا . هنا . " حط العشا فيذا " يعني هنا
مير .... والله الورطه وش معناها ذي
غديه او غديها .... يعني كوده او كودها ... (( يعني بيفهمون الثانيه ))
,,,,,,,,, مثل ما يقول الابو لولده التسبر " رح ادرس كود اخوانك يغارون منك
ويذاكرون " او رح ادرس غديك تنجح باتسر وتطلع دختور ...
صدز ..... يعني صدق والا صدزيه يعني صدقيه
زلابه ,,,,, يعني بطه مالها معنى ثاني
دبوووووووج ,,, ؟؟؟؟؟؟؟؟ بس انها شينه يعين اذا واحد قالها لك تراه يسبك
دلخ ,,,,, انظر اعلاه
وفيه كلمه معناها " لا " بس صعب كتابتها ممكن تصير تسذا (( تسو )) ولازم تصر
براطمك وتسحب لسانك جوا وتطلع معك الكلمه وممكن يطلع معها صفيره ,, وبعد فيه "
ءء " وتطلع من الحلق مثل اذا جيتا لبزر وقلت له عطني الكوره بيقول لك " ءء "
وبيرفع خشته فوووووق وهو يقولها ...
هزع ... او تهزع يعني تطمن والا تنزل ,,, اللي تبي
منهو .... من هو وانتهينا
اشبك البلا فشكلك ..... مهيب تبعنا هذي حقت الحجاز ^__^
مهيب والا مهوب ... بالعربي ( ليس ) مثل " هذا التفتر مهوب لتس يانوير هذا
التفتر لاختس دليّل "
هق! .... يعني ( اظن ) مثل " هقيته فيذا"
توحي ..... تسمع ,,, اذا جيت تسلم على شيبان من شيبانكم تهزع على راسه وتقوله
مساك الله بالخير بيقول لك وشوووو ,, بتقول له انت توحي (( في وسط اذنه على
يسمعك ) وبيقول لك من انت ولده ... الخ "
ابووو ,,,,, هذي مالها معنى صدز بس ممكن تسمعها من البزران اذا قال واحد منهم
ابوو اللي شاف دوكفليد في الشارع امس (( يلعن ام النصب )) وتسمع هالبزارين
كلهم يقولون ااابوووو ,,,,, علشان ما يقهرهم .
تباوووو ,,,, هذا اذا كنتم بتلعبون كوره (( ولازم تكون كورة صب )) لازم يروح كل
اثنين يتباوون , ويقول الاول انا بردقانه والثاني تفاحه ويرجعون ويقولون
يابردقانه ياتفاحه (( والله لو يستخدمونها في كاس العالم اصرف من هالقرعه ))
يوووووووووووووه نسيت اهم كلمه ,,,,,
كتر ,,, ويقول الوا! حد لاخوه وهم يتغدون من صحن واحد " لا تاكل من كتري "
تشلق ,,, يعني تشلق وشلون اقولها ذي ؟؟؟؟ المهم عكسها غط .... اكيد واضحه
يعني وانت تاكل فول فيه فرق بين انك تشلق شلق ولا تغط غط ,,,,,,
جغمه ,,,, يعني لقمه !
بصرك ,,,, يعني بكيفك .... تقول لواحد تعال معنا ... ويقول لك لا منيب جاي ,,
ترد عليه "بصرك "
بعدي ...... مهوب بعدي يعني بعدي بس بعدي ....
يعني مثلا يقول الابو لولده ,,, بعدي ابوي يعني كأنك تقوول كفو
امصع ..... يعني اسحب بقووووووه مثل الام اذا قالت لولدها تراني بمصع اذنك لو ما
درست
امحق ... هذي محتارين فيها العلماء بس انشالله خير وبيطلعون لها تصريفات للماضي
والمستقبل ,,,, واللي عنده مثل عن امحق يلحقني لاني تورطت بهالكلمه
يدربي ...... يعني يدحرج .... مثل واحدن من الشباب اسمه مدربي رويسه ....
دنينه .... سياكلنا من اول (( ااااان اااااااان )) ترا الاصوات لازم اللاعب هو
اللي يطلعها (( حلوه اللاعب ,, اقصد المبزره اللي يلعبونها من اول ))
دبق .... اسالو البنات القديمات في حارتكم يعلمونكم اللعبه وطريقتها ..... كل
ما ضاع زرار والا صاموله والا اي شي من القطع الصغينونه ,, دوره عند البنات ,,
يجمعونه ويلعبون بها دبق
كنادر .... جزمه
زبيريه ..... نوع من النعال وهو احسن مبيد للصوارير والضواطير ! والحشرات الزاحفه
الاخرى
سرسري ....... يعني سربوت
سربوت ........ يعني داشر
داشر ,,,,,,, يعني صايع في الشوارع وهو اسهل واحد يطيح في التتن
تتن ......... دخان
برندا ..... ميراندا,, لان اول واحد قالها في الرياض كان مزكم وقال براندا
محلي ......... مصدي
ياخزياه ....... اكثر من يقولها العجز الله يخليهم لنا ولا يحرمنا من حتسيهم
ديرمه ....... روج الاولين
يصطر ......... يصفق مثل ترا ابصطر كف يعني بصفقك كف
سواني ,,, رح للجنادريه وانت تعرف وشي ,, ترا مهيب السوق ...
زبيل .,,, وانت رايح للجنادريه تشوف السواني اسئل عن الزبيل
سماط ,,, لا تروح للجنادريه , رح لاقرب محل مواعين وقل عطني سماط ,,,,, مفرش
ناكل عليه ومنول نسميه سفره
دارسين ,,, عودان يحطونها الحريم مع الاكل بس مدري وشي
ملاس ,,,, ننتسب به الغدا
مراصيـع ,, وفي روايه اخرى رصع ,,, اسالو الحريم ويعلمونكم عنه مراصيع لأنها تنرصع خخخ
مصابيـب ! ,,,, انظر اعلاه ,,, هو نفسه بس بطريقه ثانيه مصابيـب لأنها تنصب
ترم ترم ,,,,, فلم كرتون نسميه ترم ترم وبعض البزران يسميه ابو تتنه (! (
اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه
يسمونه النمر الوردي <<< pink panther للي ما فهموا
قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك
والاثار في تحديد مكانها
ودايمن تقول الام لولدها اذا ازعجاها " رح في قاف "
عوافيالله
هذي الكلمه عقدت كل البزران
دايمن تستخدمها الامهات لتخويف البزران اذا بغو يطلعون للشارع بالليل
وتقول ترا بتجيك عوافيالله
هههههه إياني وياكم أشووف أحد يتطنز على لهجة أهلي
يـــــــــلـــــــــــه عااد لا تحرمووني من ردودكم
الأحد أغسطس 03, 2008 12:00 am
